វិញ្ញាណបរិសុទ្ធក្នុងសាសនាអ៊ីស្លាម

   នៅក្នុងសាសនាអុីស្លាម“វិញ្ញាណបរិសុទ្ធ”គឺជាទេវតាជីព្រីល(នៅក្នុងគម្ពីរប៊ីបរបស់គ្រឹស្ដសាសនាដែលសរសេរជាភាសាហេប្រឺហៅឈ្មោះនេះ
ថា ហ្គាប្រីល) ជាទេវតាដែលព្រះអល់ឡោះជាអម្ចាស់បានបង្កើតមក។ ជួនកាលគាត់ត្រូវបានបង្ហាញដោយឈ្មោះថាជីព្រីល តែម្ដង។ហើយជួនកាលគាត់ត្រូវបានបង្ហាញដោយពាក្យវិញ្ញាណបរិសុទ្ធ។ គាត់ជាទេវតាម្នាក់គត់ ក្នុងចំណោមទេវតាទាំងអស់ដែលទទូលបានឈ្មោះថា “វិញ្ញាណបរិសុទ្ធ” ហើយតួនាទី​សំខាន់របស់គាត់គឺ ការបើកបង្ហាញនូវបទគម្ពីរនានា ​ហើយក៏ជាអ្នកជួយគាំទ្រ , ការពារ និង ជ្រោមជ្រែងដល់បណ្ដាព្យាការីរបស់ព្រះ និង បណ្ដាមនុស្សដែលគោរពប្រណិប័តន៍ព្រះ។

     ហើយគម្ពីរគួរអាន​ បានប្រាប់យើងអំពីការ  បញ្ចុុះគម្ពីរអាល់គួរអាន តាមរយៈជីព្រីល ថា៖

“ចូរអ្នក​(មូហាំម័ត)ពោលថា៖អ្នកណាដែលបានចាត់ទុកជីព្រីលជាសត្រូវ តាមពិតជីព្រីលគ្រាន់តែជាអ្នកនាំគម្ពីរគួរអានចុះមកក្នុងចិត្តរបស់អ្នក តាមបទបញ្ជារបស់        អល់ឡោះតែប៉ុណ្ណោះ ដើម្បីបញ្ជាក់នូវអ្វីដែលមានពីមុនមក (ដូចជាគម្ពីរតាវរ៉ត​,      អុីញជីល...)និងដើម្បីចង្អុលបង្ហាញព្រមទាំងផ្ដល់ដំណឹងរីករាយសម្រាប់បណ្ដាអ្្នកមានជំនឿ។”[ចំពូកអាន់ណះល៍១៦:១០២]

     បើយើងពិនិត្យមើល វាក្យខណ្ឌខាងលើនេះយើងឃើញថា គម្ពីរអាល់គួរអាន ត្រូវបានបញ្ចុះពីព្រះតាមរយៈ ជីព្រីល ។ ដើម្បីសំយោគគ្នាទៅវិញទៅមក ចូរយើងពិនិត្យមើលទៅលើ វាក្យខណ្ឌមួយទៀតនៃគម្ពីរ  អាល់គួរអាន៖

     “ចូរអ្នក​(មូហាំម័ត)ពោលថា៖ វិញ្ញាណបរិសុទ្ធបានបញ្ចុះវា(គម្ពីរគួរអាន) មកពីម្ចាស់របស់អ្នក ដោយពិតប្រាកដ ដើម្បីពង្រឹងដល់ បណ្ដាអ្នកម​ានជំនឿ និង ជាការចង្អុលបង្ហាញ ហើយនិងជាការផ្ដល់ដំណឹងល្អចំពោះអ្នកមូស្លីម^២។” 

[ចំពូកអាន់ណះល៍ ១៦:១០២]

     វាក្យខណ្ឌនេះ ប្រាប់យើងអំពីព័ត៌មាន ដែលលើកឡើងអំពី ការបញ្ចុះគម្ពីរអាល់គួរអានតាមរយៈ “វិញ្ញាណបរិសុទ្ធ” ដូច្នេះយើងអាចដឹងបានថា អ្នកនាំចុះមកនូវគម្ពីរគួរអានគឺជាតួអង្គតែមួយ។ សេចក្ដីសន្និដ្ឋានរួមគឺ ជីព្រីល គឺជា វិញ្ញាណបរិសុទ្ធ។ បន្ទាប់ទៀត យើងនឹងមើលពីកឹច្ចការមួយចំនួនរបស់ទេវតាជីព្រីល ក្នុងការជួយជ្រោមជ្រែងដល់បណ្ដាព្យាការី និង បណ្ដាអ្នកនាំសាររបស់ព្រះអល់ឡោះជាអម្ចាស់ផងដែរ ។

     បើយើងក្រឡេកមកមើលពីជំនឿរបស់អ្នកកាន់សាសនាគ្រឹស្តវិញម្ដងដែលគេជឿថា ព្រះជាម្ចាស់បញ្ជូន វិញ្ញាណបរិសុទ្ធ ឱ្យចូលក្នុងផ្ទៃនាងម៉ារី ដែលទារកនោះគឺលោក យេស៊ូវ។តើវិញ្ញាណបរិសុទ្ធដែលចូលក្នុងផ្ទៃនាងម៉ារី  នោះជាអ្វី? តើវិញ្ញាណបរិសុទ្ធនោះអាចជា​ ទេវតា ជីព្រីលដូចដែលយើងបកស្រាយមុននេះទេ?

     ចម្លើយគឺនៅក្នុងគម្ពីរអាល់គួរអានបានប្រាប់យើងពីការពិតនៃរឿងនេះ៖                                                                               “១៧.រួចមកនាងបានយករបាំងមួយមកបិទបាំងពីពួកគេ(អ្នកដទៃ)។ក្រោយមកយើងបានបញ្ជូនរួហ(ជីព្រីល)របស់យើងទៅកាន់នាង។  ហើយគេ(ជីព្រីល)បានក្លែងខ្លួនជាមនុស្សម្នាក់ពេញលក្ខណៈទៅជួបនាង។

១៨.នាងបាននិយាយថាៈពិតប្រាកដណាស់ ខ្ញុំសុំពីម្ចាស់មហាសប្បុរសឱ្យបញ្ជៀសខ្ញុំ (ពីភាពអាក្រក់) ពីអ្នកប្រសិនបើអ្នកជាអ្នកកោតខ្លាចអល់ឡោះ។

១៩.គេ(ជីព្រីល)បានតបវិញថាៈ តា​មពិតខ្ញុំគ្រាន់តែជាអ្នកនាំសារពីម្ចាស់របស់អ្នក ដើម្បីអោយខ្ញុំប្រទានដល់អ្នកនូវកូនប្រុសម្នាក់ដែលស្អាតស្អំ។[...]  ២២.ដូច្នេះ នាងក៏ចាប់ផ្ដើមមានគភ៌ ហើយនាងបានចាកចេញទៅកន្លែងដែលឆ្ងាយ (ជ្រលងភ្នំហ្ពៃឡាហាំទីក្រុងយេរូសាឡឹម)។” [ចំពូកម៉ារយ៉ាំ ១៩:១៧-១៩&២២]

     យោងតាមទឡ្ហីករណ៍ ដែលលើកឡើងខាងលើនេះ បានបង្ហាញថា វិញ្ញាណបរិសុទ្ធ ដែលនាំចុះមកនូវគម្ពីរគួរអានគឺជា ជីព្រីល ហើយវិ​ញ្ញាណបរិសុទ្ធដែលនាំអោយប្រសូតជាលោកយេស៊ូវនោះក៏ជា ជីព្រីល ដែរ។

--------------------------------------------------------------

ប្រែ​សម្រួល​​និង​វាយអត្ថបទ​ដោយ វ៉ាន វ៉ាន់ឌី

ផ្សព្វ​ផ្សាយ​ដោយ បណ្ដាញ អាល់ភីស(AL-PEAC)
ប្រភព ChatOnFaith